معلومات هامة عن تغيير مياه الردياتير

دورة التبريد بالماء فى العربيه تتكون من ( ريداتير و مروحة الريداتير ومواسير المياه و طرمبة المياه و قربة المياه وطبعاٌ سائل التبريد اللى هو المياه المقطره مخلوطه بنسبه من الايثلين جليكول )

الموضوع ده مهم جداّ جداّ لأنه بيصحح فتى بعض الناس والصنايعية الحرامية ..

عشان كدة خلوا بالكوا كويس عشان الهري كتير 

================

ناس تقولك  إن مياة الحنفية أحسن من المياة الملونة (أخضر أو أحمر) !! بس في الحقيقة مشكلة مياة الحنفية فى إستخدامها للردياتير

أولاّ: وجود نسبة من الأملاح وطبعاّ مع الوقت بتتراكم على السطح الملامس ليها وبتاكله على فترات وطبعاّ كل ما بتزود مياة فى القربة فاأنت بكدة بتزود نسبة الأملاح تانى الموجودة على الردياتير وبتزود التاّكل ومتنساش إن أغلب العربيات الجديدة فيها الردياتير وكل المشتركات اللى بتتوصل فيها الخراطيم من الألومنيوم.

ثانياّ: بمرور الوقت التاّكل ده بيؤدى إن الردياتير للأسف يتخرم لتفاعل المياة معاه.

================

و ناس تقولك  إن المياة المقطرة مفيش أحسن منها !! طبعاّ المياة المقطرة بتبقى خالية من أى أملاح يبقى خلاص مش هيبقى عندى مشكلة فى التآكل بس للأسف لأ لأن المياة الخالية من الأملاح بتبقى مياة أقرب للحامضية وطبعاّ دي بتنحر فى الردياتير برضو وغير كدة زى ما ذكرت قبل كدة إن الحديد أو الالومنيوم بيتفاعلوا مع أى مياة سواءّ كان فيها أملاح أو لأ وبتصدى أو تيملح بمرور الوقت وأخيراّ إن درجة غليان المياة لا تتعدى الـ 100 درجة مئوية.

================

سيبك من الهرى ده كله وتعالى نتعلم سوا الكلام الهندسى الفنى :)

ليه أستخدم المياة الملونة ؟؟؟!!

1- لأنها مياة مقطرة فى الأصل فا مفيهاش أى نسب من الأملاح بس متعالجة عشان 

متكونش أقرب للحامضية ومتضاف ليها نسبة إيثيلين جليكول كمانع للتجمد بترفع درجة الغليان للمياة.

مادة ايثيلين جليكول هي مادة كيميائية وهي مادة سامه تستخدم كمذيب قوي في بعض الصناعات كما أنها تستخدم كمانع لتجمد مياه تبريد السيارات وايضا لرفع درجة غليان الماء بحسب نسبة الخليط مع الماء

علشان نحافظ على دورة التبريد دى بكل مشتملاتها لازم نغير الميه بتاعت التبريد دى مره كل 40000 كيلو او كل سنتين بحد اقصى ( يا ريت لو قبل كده )

وكمان فيه حاجة مهمة تانية وهي إن تركيز المادة نفسها في معظم العربيات أنسب تركيز ليها هو 50/50 يعنى 50% وده مع ضغط غطا القربة بيوصل درجة الغليان لـ 130 درجة وزيادة التركيز لـ 70 % بيرفع درجة الغليان لـ 135.5 درجة .. طب لو تركيز المادة أكتر من 70 % ؟! للأسف مش هيحصل تبريد لأن المادة بنفسها مبتبردش و ده سبب إن ناس كتير بتروح تعمل فى المحطات غسيل دورة التبريد لأى عربيه و بعدين الفنى يضحك عليك ويقولك يا باشا دى أمريكى أعلى تركيز وبعد ما تمشى تشتكى إن العربيه بقت بتسخن على غير عادتها وده لأنها لازم تتخلط بالمياة المقطرة وكمان يعمل مشكلة تانية إن لزوجة المياة هتزيد والطرمبة مش هتقدر تقلبها وتضخها فى مواسير الردياتير .. وخد بالك كمان إننا في بلد بطبعها حر نسبياّ فا بالتالي التركيز من أول 20% كافي جداّ لأننا مبنوصلش لدرجة حرارة باردة لدرجة التجمد يعني !!

2- فيه على المياة الملونة نسبة بسيطة من مادة أسمها (صوديوم نيتريت) المادة دي بتعمل عزل لأى حديد أو نحاس أو ألومنيوم وكمان بتغطي عشان المياة متنحرش ودي فكرة موانع الصدا إن بيبقي فيها المادة دي بس بتركيزات عالية وطبعاّ فىه مواد تانية بس دي أشهر مادة فيهم.

3- بتبقي فيه إضافات تانية خاصه باللون ومواد مزيته لطلمبة المياة.

================

نيجي بقي لأنواع المياة الملونة اللي في السوق :-

الـ IAT والنوع ده بيفضل للمواتير الزهر ودورات التبريد النحاس اللي قبل 1996

Glysantin® G48®
Glysantin® G05®

الـ OAT أختصار لـ Organic Acid Technology النوع ده ينفع لكل العربيات بس بيفضل للمواتير ودورات التبريد الألومنيوم وميزة النوع ده إنه بيعيش لفترة أطول في دورة التبريد وطبعاً كل ما الفترة بتزيد ده بيريح صاحب العربية لأن فترات تغيير المياة هتبقي علي فترات أطول.

Glysantin® G30®
Glysantin® G33®
Glysantin® G34®

================

أما بالنسبه للون إذا كان احمر او اخضر فا دي مجرد صبغة بتستخدمها الشركات عشان تميز المياة بتاعتها عن مصنعين أخرين سواء أخضر أو أحمر أو أخضر مزرق

أه وعلى فكرة كل المياة الحمرا OAT بس مش كل المياة الخضرا IAT !! وعن تجربة لو أنت أصلاّ بتحط مياة حنفية بلاش تروح تغيرها وتغسل الدورة إلا لما تروح لبتاع ردياتير يراجعلك على حالة كل الأجزاء الألومنيوم بما فيهم الردياتير وده لأنك لما بتغسل وتحط المياة الملونة فا هي بطبعها هتشيل الصدا والأملاح من على الأجزاء دى فا هتسيب مكانها إخرام وبالتالي هيحصل تسريب .

اقرب مياه الى النسبه دى ومضمونه هى الموبيل وتركيزها 33% بتتباع فى بنزينات موبيل الجركن 4 لتر ب 43 جنيه

ودى تنفع للعربيات الزيرو اللى بتغير بالمياه الخضراء على طول يعنى اللى مشفتش مياة الحنفيه